વિશ્વ વિજેતા રોહિત શર્માની T20 ક્રિકેટમાંથી નિવૃત્તિ

ભારતીય કેપ્ટન રોહિત શર્માએ વિરાટ કોહલી બાદ T20 ક્રિકેટને કહ્યું અલવિદા, ચેમ્પિયનશિપ સાથે કરિયરનો અંત લાવ્યો

રોહિત શર્મા-વિરાટ કોહલી યુગનો અંત, અલવિદા ‘રોકો’

આ નિર્ણય રોહિતની T20I કારકિર્દીનો યોગ્ય અંત દર્શાવે છે. તેઓએ તેની શરૂઆત 2007માં T20 વર્લ્ડ કપ જીતીને કરી હતી અને T20 વર્લ્ડ કપ (2024) જીતીને તેનો અંત કર્યો હતો. આ 17 વર્ષોમાં રોહિતે બેટ્સમેન તરીકે ઘણી સફળતા મેળવી. તેણે 159 T20 આંતરરાષ્ટ્રીય મેચોમાં 32.05ની એવરેજથી 4231 રન બનાવ્યા છે. આ ફોર્મેટમાં તેની પાંચ સદી કોઈપણ ભારતીય બેટ્સમેન દ્વારા સૌથી વધુ છે. રોહિતે કહ્યું કે તે ટેસ્ટ અને વનડે ફોર્મેટમાં ભારત માટે રમવાનું ચાલુ રાખશે, પરંતુ તે સૌથી ટૂંકા ફોર્મેટમાંથી ખસી રહ્યો છે. ટી-20 વર્લ્ડ કપમાં સૌથી વધુ રન બનાવવાની વાત કરીએ તો વિરાટ પ્રથમ સ્થાને છે અને રોહિત શર્મા બીજા સ્થાને છે. હવે આ બંનેએ T20 ઇન્ટરનેશનલને અલવિદા કહી દીધું છે. આ સાથે જ ભારત માટે T20 ક્રિકેટમાં એક યુગનો અંત આવ્યો છે.

ભારતીય કેપ્ટન રોહિત શર્માએ પણ T20 ઈન્ટરનેશનલમાંથી નિવૃત્તિ લઈ લીધી છે. તેણે વિરાટ કોહલીની નિવૃત્તિ બાદ તરત જ T20 આંતરરાષ્ટ્રીય ક્રિકેટને અલવિદા કહી દીધું છે. નિવૃત્તિની જાહેરાત કરતા રોહિતે કહ્યું કે આનાથી સારો સમય કોઈ હોઈ શકે નહીં. તેણે કહ્યું- હું આ ટ્રોફી અને T20 વર્લ્ડ કપ જીતવા માટે બેતાબ હતો. હું તેને જીતવા માંગતો હતો અને હવે તે થયું છે. ખુશી છે કે આ વખતે અમે સફળ થયા છીએ.

રોહિતે કહ્યું કે તે ટેસ્ટ અને વનડે ફોર્મેટમાં ભારત માટે રમવાનું ચાલુ રાખશે, પરંતુ તે સૌથી ટૂંકા ફોર્મેટમાંથી ખસી રહ્યો છે. રોહિતે મેચ પછીની પ્રેસ કોન્ફરન્સ દરમિયાન ભારતના ઐતિહાસિક બીજા T20 વર્લ્ડ કપના ખિતાબની ઉજવણી દરમિયાન કહ્યું, “અલવિદા કહેવા માટે આનાથી વધુ સારો સમય હોઈ શકે નહીં.”

આ નિર્ણય રોહિતની T20I કારકિર્દીનો યોગ્ય અંત ચિહ્નિત કરે છે, કારણ કે તેણે 2007માં T20 વર્લ્ડ કપ જીતીને તેની શરૂઆત કરી હતી અને T20 વર્લ્ડ કપની જીત સાથે તેનો અંત પણ કર્યો હતો. આ 17 વર્ષમાં રોહિત બેટ્સમેન તરીકે અભૂતપૂર્વ ઊંચાઈએ પહોંચ્યો. તેણે 159 T20 આંતરરાષ્ટ્રીય મેચોમાં 32.05ની એવરેજથી 4231 રન બનાવ્યા છે. આ ફોર્મેટમાં તેની પાંચ સદી કોઈપણ ભારતીય બેટ્સમેન દ્વારા સૌથી વધુ છે. આ સિવાય તેના નામે 32 અડધી સદી પણ છે. જો કે, તે IPL રમવાનું ચાલુ રાખશે અને ODI-ટેસ્ટમાં ટીમ ઈન્ડિયાની કેપ્ટનશિપ કરશે.

રોહિતે કહ્યું- આ મારી છેલ્લી મેચ પણ હતી. જ્યારથી મેં તેને રમવાનું શરૂ કર્યું ત્યારથી મેં આ ફોર્મેટનો આનંદ માણ્યો છે. મેં તેની દરેક ક્ષણને પ્રેમ કર્યો છે. આ હું ઇચ્છતો હતો. હું કપ જીતવા માંગતો હતો. હિટમેનના આ નિવેદન બાદ મીડિયાએ પણ તેને તાળીઓના ગડગડાટથી અભિનંદન પાઠવ્યા હતા અને પ્રોત્સાહિત કર્યા હતા.

37 વર્ષીય રોહિતે 2022 T20 વર્લ્ડ કપમાં પણ ભારતનું નેતૃત્વ કર્યું હતું, જ્યાં ટીમ સેમિફાઇનલમાં ઇંગ્લેન્ડ સામે હારી હતી. એક વર્ષ પછી, તેમના નેતૃત્વમાં, ભારત ઘરઆંગણે 50-ઓવરના વર્લ્ડ કપની ફાઇનલમાં પહોંચ્યું, પરંતુ અમદાવાદમાં ફાઇનલમાં ઓસ્ટ્રેલિયા સામે હારી ગયું.

ટી-20 વર્લ્ડ કપમાં સૌથી વધુ રન બનાવવાની વાત કરીએ તો વિરાટ પ્રથમ સ્થાને છે અને રોહિત શર્મા બીજા સ્થાને છે. વિરાટે T20 વર્લ્ડ કપમાં 35 મેચમાં 58.72ની એવરેજ અને 128.81ની સ્ટ્રાઈક રેટથી 1292 રન બનાવ્યા છે. આ દરમિયાન તેણે 15 અડધી સદી ફટકારી હતી. તેના અણનમ 89 રન T20 વર્લ્ડ કપમાં તેની સર્વશ્રેષ્ઠ ઇનિંગ છે. તે જ સમયે, રોહિતે T20 વર્લ્ડ કપની 47 મેચોમાં 34.85ની એવરેજ અને 133.04ની સ્ટ્રાઈક રેટથી 1220 રન બનાવ્યા. જેમાં 12 અડધી સદી સામેલ છે. 92 રન તેની સર્વશ્રેષ્ઠ ઈનિંગ્સ છે. વિરાટે T20 વર્લ્ડ કપમાં 111 ફોર અને 35 સિક્સર ફટકારી છે જ્યારે રોહિતે T20 વર્લ્ડ કપમાં 115 ફોર અને 50 સિક્સર ફટકારી છે. 2007 થી દરેક T20 વર્લ્ડ કપ રમનાર રોહિત એકમાત્ર ભારતીય ખેલાડી છે.