વેલિંગ્ટન ડિસ્ટ્રિક્ટ કોર્ટે હાર્લી ફાંગાને પાંચ વર્ષથી વધુની જેલની સજા સંભળાવી, નવેમ્બર 2023માં ચોરેલી કાર દ્વારા ફાંગાએ અનિતા રાનીને લોઅર હટ વિસ્તારમાં અકસ્માત સર્જ્યો હતો
ભારતીય મહિલાના મોત બાદ પણ ફાંગાને નથી કોઇ અફસોસ- વેલિંગ્ટન કોર્ટના જજની ટિપ્પણી, જેલમાં ફોન ટ્રાન્સસ્ક્રિપ્ટ પરથી સામે આવ્યું કે અનિતા રાનીને અપશબ્દો કહ્યા
16 નવેમ્બર 2023ના રોજ વેલિંગ્ટનનના લોઅર હટ વિસ્તારમાં ભારતીય મહિલા અનિતા રાનીને 37 વર્ષીય હાર્લી ફાંગાએ ચોરેલી કાર દ્વારા મોતને ઘાટ ઉતારી હતી, આરોપીને આજે વેલિંગ્ટન ડિસ્ટ્રિક્ટ કોર્ટ ખાતે 5 વર્ષથી વધુની સજા સંભળાવાઇ હતી. નોંધનીય છે કે ફાંગા ગેંગનો સભ્ય હતો અને ચોરેલી કાર લઇને સ્પીડ ડ્રાઇવિંગ વખતે અકસ્માત સર્જ્યો હતો.
દરમિયાન, ફાંગાજેલના ફોન કોલ્સ રેકોર્ડ દરમિયાન હત્યા અંગે “અધમ, જાતિવાદી ટિપ્પણી” પણ કરી હતી અને સ્પષ્ટ કર્યું હતું કે તેને રાનીના મૃત્યુ માટે કોઈ પસ્તાવો નથી. 37 વર્ષીય હાર્લી વિલિયમ જ્હોન ફાંગા, આજે બપોરે વેલિંગ્ટન ડિસ્ટ્રિક્ટ કોર્ટમાં સજા માટે હાજર થયો હતો, તેણે અગાઉ ભારતીય મહિલા અનીતા રાનીના મૃત્યુ સહિત અનેક આરોપો માટે દોષી હોવાનું કબૂલ્યું હતું. તથ્યોના સારાંશ મુજબ, વ્હાંગા ક્રેશની આગલી રાતે ઘરફોડ ચોરી કરીને ભાગ્યો હતો. તેણે ઘણી વસ્તુઓ અને કારની ચોરી કરી હતી જેનાથી તેણે રાનીની હત્યા કરી હતી.
નૈનાના લોઅર હટ ઉપનગરમાં બનેલી જીવલેણ ઘટનાની થોડી જ મિનિટોમાં સબર્બ રસ્તાઓ પર તેના ચહેરા પર ટેટૂ સાથે “ચેઈન્ડોગ” લખેલું ટેટૂ ધરાવતા મોંગ્રેલ મોબના સભ્ય ફાંગાને બમણી ઝડપે વાહન હંકાર્યું હોવાનું ખૂલ્યું હતું. પોલીસના રિપોર્ટ અનુસાર અકસ્માત વખતે ફાંગાની ગાડીની સ્પીડ 77થી 83 કિમી આસપાસના હોઇ શકે છે. જ્યાં સ્પીડ લિમિટ માત્ર 50 કિમી પ્રતિ કલાકની છે.
રાનીને “બહુવિધ આઘાતજનક ઇજાઓ” થઈ હતી અને પ્રથમ રિસ્પોન્ડર્સ અનુસાર તેનું ઘટના સ્થળે જ મૃત્યુ થયું હતું. પાછળથી એક પેથોલોજિસ્ટે પુષ્ટિ કરી હતી કે રાનીને કરોડરજ્જુમાંથી તેના માથાના આંતરિક શિરચ્છેદ, કરોડરજ્જુના કેટલાક ફ્રેક્ચર, તેના કાંડા, ટિબિયા અને ફાઇબ્યુલામાં ફ્રેક્ચર અને આંતરિક રક્તસ્રાવને પગલે મૃત્યુ થયું હતું.