ઓકલેન્ડના સેન્ટ લ્યુક્સ ખાતે બસ ડ્રાઇવર જીવલેણ હુમલો, પાંસળીમાં ફ્રેક્ચર

ગંભીર હાલતમાં ડ્રાઇવરને હોસ્પિટલમાં દાખલ કરાયો, ડ્રાઇવર થોડા સમય પહેલા જ ફિલિપાઇન્સથી ઓકલેન્ડ આવ્યો હતો

ઓકલેન્ડ બસ ટ્રાન્સપોર્ટના ડ્રાઇવર પર જીવલેણ હુમલાની ઘટના ઘટી છે. શનિવારે રાત્રે સેન્ટ લ્યુક્સ બસ હબ ખાતે હુમલો થયા બાદ ઓકલેન્ડ બસ ડ્રાઈવરને ગંભીર હાલતમાં હોસ્પિટલમાં દાખલ કરવામાં આવ્યો છે જેને પાંસળીઓમાં ફ્રેક્ચર અને આંખમાં ઈજાઓ પહોંચી છે.

ઓકલેન્ડ ટ્રામવેઝ યુનિયનના પ્રમુખ ગેરી ફ્રોગેટના જણાવ્યા અનુસાર, ડ્રાઇવરો માટે આપવામાં આવેલા પોર્ટેબલ ટોઇલેટનો ઉપયોગ કર્યા પછી તેની પર બસમાં પરત ફરતી વખતે હુમલો કરવામાં આવ્યો હતો. ફ્રોગેટે કહ્યું કે ડ્રાઈવર હજુ પણ હોસ્પિટલમાં છે અને તેને ડૉક્ટર દ્વારા કહેવામાં આવ્યું છે કે રિકવરીમાં થોડો સમય લાગશે.

પોલીસે શનિવારે રાત્રે 11 વાગ્યા પહેલા જ જાણ કરી હતી. યુવાનો લડતા હોવાના અહેવાલને કારણે તેમને સેન્ટ લ્યુક્સ રોડ પર બોલાવવામાં આવ્યા હતા. જ્યારે તેઓ પહોંચ્યા, ત્યારે તેઓએ ઘાયલ બસ ડ્રાઈવરને શોધી કાઢ્યો હતો, જેને ગંભીર હાલતમાં હોસ્પિટલમાં લઈ જવામાં આવ્યો.

ઘટના સ્થળેથી ત્રણ યુવાનોની અટકાયત કરી યુથ એઈડમાં રીફર કરાયા હતા. પોલીસે ઉમેર્યું હતું કે તેઓ ડ્રાઇવર અને તેના પરિવારને ટેકો આપવા માટે કામ કરી રહ્યા છે અને ઘટનાની સંપૂર્ણ તપાસ કરી રહ્યા છે.

ફ્રોગેટે જણાવ્યું હતું કે તે વ્યક્તિ બસ ડ્રાઇવર તરીકે કામ કરવા માટે ફિલિપાઇન્સથી ઓકલેન્ડ આવ્યો હતો, ડાઉનટાઉન એપાર્ટમેન્ટમાં અન્ય બે ફિલિપિનો ડ્રાઇવરો સાથે રહે છે અને ન્યુઝીલેન્ડમાં તેનો કોઈ પરિવાર નથી.

ઓકલેન્ડ અને અન્ય શહેરોમાં બસ ડ્રાઇવરની અછતને પહોંચી વળવા માટે ગયા વર્ષે ફિલિપાઇન્સ, ભારત અને ફિજીમાંથી સેંકડો ડ્રાઇવરોની ભરતી કરવામાં આવી હતી. ઓકલેન્ડ ટ્રાન્સપોર્ટના પબ્લિક ટ્રાન્સપોર્ટ સર્વિસ ઓપરેશન્સ મેનેજર ડંકન મેકગ્રોરીએ જણાવ્યું હતું કે ડ્રાઈવર જ્યારે સ્વસ્થ થઈ જશે ત્યારે તે કામથી દૂર રહેશે અને તેને બસ ઓપરેટર (કાઈનેટિક) તરફથી સપોર્ટ મળશે.