પૂકેકોહીમાં બંને મહિલાઓ પર $1800ના સામાનની ચોરી કરી, બે મહિલાની ધરપકડ અને એક મહિલાની શોધખોળ
આપણું ગુજરાત ન્યૂઝ. ઓકલેન્ડ
ન્યૂઝીલેન્ડના કાયદા કેટલા બૂઠ્ઠા છે તેના પૂરાવા ઘણીવાર મળી ચૂક્યા છે અને તાજેતરના આ જ કિસ્સામાં વધુ એક નરમ કાયદાનો અનુભલ રિટેલ શોપ ઓનરને થયો છે. સાઉથ ઓકલેન્ડની બે મહિલાઓ જે શોપલિફ્ટિંગ કરતા અગાઉ પકડાઇ હતી તેમને કોર્ટમાં રજૂ કરાઇ હતી. આ મહિલાઓ કોર્ટમાંથી જ્યારે પરત ફરી હતી ત્યારે તેમણે ફરીથી શોપલિફ્ટિંગ કર્યું છે.
પૂકેકોહીમાં બંને મહિલાઓ પર $1800ના સામાનની ચોરી કરી છે. જેમણે પૂકેકોહી ડિસ્ટ્રિક્ટ કોર્ટમાંથી બહાર આવ્યા બાદ આ કામને અંજામ આપ્યો હતો. આ જ કેસમાં ત્રીજી મહિલાની હજુ શોધ થઇ રહી છે. વરિષ્ઠ સાર્જન્ટ મેરી જેન રિડલે ત્રણેય પર કોર્ટહાઉસની બહાર પાર્ક કરેલી કારમાંથી નંબર પ્લેટની ચોરી કરવાનો આરોપ લગાવ્યો હતો. “તેઓ પછી પુકેકોહેની ઘણી દુકાનોમાં ગયા હતા, જ્યાં તેઓ પર સેંકડો ડોલરની કિંમતની વસ્તુઓની ચોરી કરવાનો આરોપ છે.” અધિકારીઓને કોલઆઉટ મળ્યો, કથિત અપરાધીઓની શોધ શરૂ કરી, અને એક દુકાનની બહાર ચોરાયેલી નંબર પ્લેટ સાથેનું વાહન મળ્યું.
પોલીસને ઓટોમોટિવ પાર્ટ્સની દુકાનની અંદર બે મહિલાઓ કથિત રીતે માલસામાનની ચોરી કરવાનો પ્રયાસ કરતી મળી હતી. એક 29 વર્ષીય મહિલા બે નવા શોપલિફ્ટિંગ આરોપો પર પુકેકોહે ડિસ્ટ્રિક્ટ કોર્ટમાં રજૂ કરાશે જ્યારે 18 વર્ષની એક મહિલા શોપલિફ્ટિંગના ચાર નવા આરોપો પર 4 ડિસેમ્બરે એ જ કોર્ટમાં હાજર થશે.