ટેકનિકલ મંદીમાંથી અર્થતંત્ર બહાર આવ્યું, આગાહી કરતાં વધુ મજબૂત રિકવરી થઇ, પ્રાથમિક ઉત્પાદન, પર્યટન સંબંધિત, રેન્ટલ જેવા ક્ષેત્રો સૌથી મજબૂત રહ્યા
ટેલિકોમ્યુનિકેશન/મીડિયા સાથે બાંધકામમાં હજુ મંદી યથાવત્ , રિટેલ, એગ્રીકલ્ચર અને ટ્રાન્સપોર્ટ સેક્ટર્સમાં તેજી
સ્ટેટ્સ NZ દ્વારા આજે જાહેર કરાયેલા આંકડા મુજબ, સપ્ટેમ્બર 2024 ના ક્વાર્ટરમાં 1.1% ઘટાડો થયા બાદ, ડિસેમ્બર 2024 ના ક્વાર્ટરમાં ન્યુઝીલેન્ડનું કુલ સ્થાનિક ઉત્પાદન (GDP) 0.7% વધ્યું છે. મુખ્ય વૃદ્ધિ કૃષિ (1.4 ટકા), રિટેલ (1.9 ટકા) અને ટ્રાન્સપોર્ટ (2.4 ટકા) જેવા ક્ષેત્રોમાં જોવા મળી છે.
જોકે કન્સ્ટ્રક્શનમાં 3 ટકાના ઘટાડા દ્વારા આંશિક રીતે વળતર મળ્યું, જે ઘર બાંધકામમાં મંદી અને ટેલિકોમ્યુનિકેશન અને ઇન્ટરનેટ સેવાઓમાં ઘટાડાને પ્રતિબિંબિત કરે છે.ગત શિયાળાના મધ્યમાં વીજળીની તંગીને કારણે પાછલા ત્રિમાસિક ગાળામાં જે ઉર્જા ક્ષેત્રે ઘટાડો થયો હતો, તે ફરીથી સામાન્ય થતાં તેની પોઝિટિવ અસરો જોવા મળી છે. અર્થતંત્રનો વ્યક્તિગત હિસ્સો – પ્રતિ વ્યક્તિ GDP – 0.4 ટકા વધ્યો, જે બે વર્ષમાં પ્રથમ ત્રિમાસિક વધારો છે, પરંતુ હજુ પણ વર્ષ દરમિયાન 2 ટકાથી વધુ છે.
ગત છ મહિના દરમિયાન દેશની ખરીદ પાવરમાં ઘટાડો જોવા મળ્યા આ ત્રિમાસિક ગાળામાં 1.2 ટકાનો સુધારો થયો છે, જોકે તે એક વર્ષ પહેલાની તુલનામાં હજુ પણ 2 ટકા ઓછો છે.
કિવિબેંકના મુખ્ય અર્થશાસ્ત્રી જેરોડ કેરે જણાવ્યું હતું કે ન્યુઝીલેન્ડ મંદીમાંથી બહાર નીકળી રહ્યું છે. “ગયા વર્ષના બીજા ભાગમાં પ્રવૃત્તિમાં કેટલાક પીડાદાયક ઘટાડા પછી, કિવિ અર્થતંત્ર 2024 નો અંત સારી રીતે થયો છે.” કેરે કહ્યું કે 0.7% નો વધારો તેના 0.3% અનુમાન કરતાં વધુ હતો અને તે “થોડું હકારાત્મક આશ્ચર્ય” હતું.