ન્યુઝીલેન્ડનું હાઉસિંગ માર્કેટ: વેચાણમાં વૃદ્ધિ છતાં બજારમાં સાવચેતીનો માહોલ

રિયલ એસ્ટેટ ઇન્સ્ટિટ્યૂટ ઓફ ન્યુઝીલેન્ડ (REINZ) ના જૂન મહિનાના આંકડા જાહેર, વેચાણ વધ્યું પણ લિસ્ટિંગ ઘટ્યું, એવરેજ મેડિયન હાઉસિંગ પ્રાઇસ વાર્ષિક ધોરણે $770,000 પર સ્થિર

આપણું ગુજરાત ન્યૂઝ. ઓકલેન્ડ, ન્યુઝીલેન્ડ: ન્યુઝીલેન્ડના હાઉસિંગ માર્કેટમાં સપાટી પર સ્થિરતા જોવા મળી રહી છે, જોકે આંતરિક રીતે પ્રાદેશિક સ્તરે કેટલાક ફેરફારો અનુભવાઈ રહ્યા છે. રિયલ એસ્ટેટ ઇન્સ્ટિટ્યૂટ ઓફ ન્યુઝીલેન્ડ (REINZ) ના જૂન મહિનાના આંકડા મુજબ, વેચાણ થયેલા મકાનોની સંખ્યામાં વધારો થયો છે અને લિસ્ટિંગ્સમાં ઘટાડો જોવા મળ્યો છે, પરંતુ એકંદર ભાવોમાં બહુ મોટો ફેરફાર થયો નથી.

• ભાવમાં ધીમી વૃદ્ધિ:
  • REINZ હાઉસ પ્રાઇસ ઇન્ડેક્સ (HPI) જૂન મહિના માટે વાર્ષિક ધોરણે માત્ર 0.3 ટકા વધ્યો છે.
  • આ વૃદ્ધિ જૂન મહિના માટેના પાંચ વર્ષના સરેરાશ વૃદ્ધિ દર 3.9 ટકા કરતાં ઘણી ઓછી છે, જે ભાવોમાં નોંધપાત્ર ધીમી ગતિ સૂચવે છે.
  • દેશનો સરેરાશ મકાન ભાવ વાર્ષિક ધોરણે $770,000 પર સ્થિર રહ્યો છે.
• એસેસમેન્ટ અને રીજનલ ક્ષેત્રે ફેરફાર
  • REINZ ના ચીફ એક્ઝિક્યુટિવ લિઝી રાઇલીએ જણાવ્યું કે, “રાષ્ટ્રીય સરેરાશ કિંમતમાં કોઈ ફેરફાર ન હોવા છતાં, તે વિરોધાભાસી પ્રાદેશિક ગતિશીલતાને પ્રતિબિંબિત કરે છે, જેમાં કેટલાક વિસ્તારોમાં વાર્ષિક ધોરણે નવી વૃદ્ધિ જોવા મળી છે.”
  • ઓકલેન્ડમમાં 3.4 ટકાના ઘટાડા સાથે એવરેજ મેડિયન પ્રાઇસ $990,000 નોંધાઇ છે.
  • સોળમાંથી દસ પ્રદેશોમાં સરેરાશ ભાવોમાં વાર્ષિક ધોરણે વધારો થયો છે, જેમાં વેસ્ટ કોસ્ટમાં 35 ટકાથી વધુનો ઉછાળો જોવા મળ્યો છે, જ્યારે સાઉથલેન્ડમાં સરેરાશ ભાવ $502,500 ની વિક્રમી સપાટી પર પહોંચ્યો છે.
• સેલ્સ એન્ડ લિસ્ટિંગ હાઉસિંગ પ્રાઇસ:
  • દેશભરમાં વેચાયેલી પ્રોપર્ટીઝની સંખ્યામાં વાર્ષિક ધોરણે 20 ટકાનો વધારો થયો છે. ગિઝબોર્નમાં 70 ટકા, સાઉથલેન્ડમાં 35 ટકા અને બે ઓફ પ્લેન્ટી અને માર્લબરો બંનેમાં 33 ટકાનો વધારો નોંધાયો છે.
  • જોકે, રાષ્ટ્રીય સ્તરે, ઋતુગત રીતે ગોઠવાયેલા વેચાણમાં લગભગ પાંચ ટકાનો ઘટાડો સૂચવે છે કે બજારમાં કેટલીક સાવચેતી વર્તાઈ રહી છે.
  • છેલ્લા વર્ષની સરખામણીમાં વેચાણ હજુ પણ નોંધપાત્ર રીતે મજબૂત છે, પરંતુ પ્રોપર્ટી વેચાવામાં લાગતા સરેરાશ દિવસોમાં વધારો થયો છે, જે દર્શાવે છે કે ખરીદદારો વધુ વિચારપૂર્વક નિર્ણય લઈ રહ્યા છે.

ઘણા વિક્રેતાઓને તેમની અપેક્ષિત કિંમત કરતાં ઓછી ઓફર મળી રહી છે, જેના કારણે કેટલાક લોકો વસંત અથવા ઉનાળા સુધી લિસ્ટિંગ અથવા રિ-લિસ્ટિંગમાં વિલંબ કરી રહ્યા છે, જ્યારે બજાર પ્રવૃત્તિમાં સુધારો થવાની શક્યતા છે.