ફિજીના વડાપ્રધાન સિટેની લિગામાડા રાબુકાએ કહ્યું કે પીએમ મોદી યુએસએના ટેરિફ વૃદ્ધિ મામલે અગવડતાઓનો સામનો કરવા માટે સક્ષમ
ફિજીના વડાપ્રધાને ભારતીય સમકક્ષ PM મોદી સાથે સંરક્ષણ, વેપાર અને ડિજિટલ ટેકનોલોજી સહિત સાત કરારો પર હસ્તાક્ષર કર્યા
નવી દિલ્હી: ફિજીના વડાપ્રધાન સિટેની લિગામાડા રાબુકા એ મંગળવારે ઇન્ડિયન કાઉન્સિલ ઓફ વર્લ્ડ અફેર્સ (ICWA)ના એક કાર્યક્રમમાં ભાગ લીધો હતો. આ કાર્યક્રમમાં તેમણે અમેરિકા દ્વારા ભારત પર લાદવામાં આવેલા નવા ટેરિફ પર પૂર્વ રાષ્ટ્રપતિ ડોનાલ્ડ ટ્રમ્પનું નામ લીધા વિના કટાક્ષ કર્યો હતો. ફિજીના પીએમ સિટિવેની લિગામામાડા રાબુકા કહે છે, “… (યુનાઇટેડ સ્ટેટ્સ દ્વારા) ટેરિફની તાજેતરની જાહેરાતો… મેં તેમને (પીએમ મોદી) બીજા દિવસે કહ્યું હતું કે, કોઈ તમારાથી ખૂબ ખુશ નથી, પરંતુ પછી તમે તે અગવડતાઓનો સામનો કરવા માટે પૂરતા મોટા છો…”
અમેરિકા દ્વારા 25% વધારાની ટેરિફ:
અમેરિકાએ ભારતીય આયાત પર 25% વધારાની ટેરિફ લગાવી છે, જે ૨૭ ઓગસ્ટથી અમલમાં આવશે. આ ઉપરાંત, રશિયન તેલની ખરીદીને કારણે વધારાની ડ્યુટી પણ લગાવવામાં આવી છે. આ પગલાથી ભારતની શ્રમ-આધારિત નિકાસો જેવી કે ઝીંગા, કપડાં, ચામડું, રત્ન અને ઝવેરાત પર નકારાત્મક અસર થવાની શક્યતા છે.
ભારત-ફિજી સંબંધોનું મજબૂતીકરણ:
રાબુકાએ તેમના દિલ્હી પ્રવાસ દરમિયાન વડાપ્રધાન મોદી સાથે વેપાર, દરિયાઈ સુરક્ષા, આરોગ્ય અને ડિજિટલ ટેકનોલોજી જેવા ક્ષેત્રોમાં દ્વિપક્ષીય સંબંધોને મજબૂત બનાવવા પર ચર્ચા કરી. બંને દેશોએ સંરક્ષણ સહયોગ વધારવા અને ઈન્ડો-પેસિફિકમાં શાંતિ અને સમાવેશિતાને પ્રોત્સાહન આપવા માટે એક યોજના પણ બનાવી. આ મુલાકાત દરમિયાન, બંને દેશો વચ્ચે કુલ સાત કરારો પર હસ્તાક્ષર થયા.
ICWA કાર્યક્રમમાં, રાબુકાએ ‘ઓશન ઓફ પીસ’ વિઝન પર ભાર મૂક્યો હતો. તેમણે કહ્યું કે ભારત આ પ્રયાસમાં એક મહત્ત્વપૂર્ણ ભાગીદાર છે અને ફિજી અને ભારત સાથે મળીને પેસિફિકને ‘શાંતિનો મહાસાગર’ બનાવી શકે છે. તેમણે ઉમેર્યું કે વડાપ્રધાન મોદી અને ચીનના રાષ્ટ્રપતિ શી જિનપિંગે પણ આ વિચારને સમર્થન આપ્યું છે.