ગુજરાતના અમદાવાદથી લંડનના ગેટવિક જઈ રહેલું એર ઇન્ડિયાનું બોઇંગ 787 ડ્રીમલાઇનર વિમાન AI-171 ગુરુવારે ટેકઓફ કર્યા પછી તરત જ ક્રેશ થયું હતું
ગુજરાતના અમદાવાદથી લંડનના ગેટવિક (Ahmedabad London Flight) જઈ રહેલું એર ઈન્ડિયાનું બોઈંગ 787 ડ્રીમલાઈનર વિમાન (Air India Boeing 787 Dreamliner) AI-171 ગુરુવારે ટેકઓફ કર્યા પછી તરત જ ક્રેશ થયું. આ દુર્ઘટનામાં અત્યાર સુધીમાં 265 લોકોના મોત થયા છે. ડેપ્યુટી કમિશનરે આ વાતની પુષ્ટિ કરી છે. આ ફ્લાઈટમાં કુલ 242 લોકો સવાર હતા, જેમાં 230 મુસાફરો અને 12 ક્રૂ મેમ્બરનો સમાવેશ થાય છે.
અમદાવાદ ડેપ્યુટી કમિશનરે આ વાતની પુષ્ટિ કરી છે. આ ફ્લાઈટમાં 230 મુસાફરો અને 12 ક્રૂ મેમ્બરનો સમાવેશ થાય છે. રડાર ડેટા અનુસાર, વિમાને સરદાર વલ્લભભાઈ પટેલ આંતરરાષ્ટ્રીય એરપોર્ટ પરથી બપોરે 1:39 વાગ્યે ઉડાન ભરી હતી, પરંતુ સમુદ્ર સપાટીથી 625 ફૂટની ઊંચાઈએ પહોંચ્યા પછી, તેમાં ટેકનિકલ ખામી સર્જાઈ અને એર ટ્રાફિક કંટ્રોલ સાથેનો સંપર્ક તૂટી ગયો. આ વિમાનમાં ગુજરાતના ભૂતપૂર્વ મુખ્યમંત્રી વિજય રૂપાણી પણ સવાર હતા.
વિમાન દુર્ઘટનામાં કુલ 265 લોકોના મોત
ગુરુવારે, ટેકઓફ થયાની થોડી મિનિટો પછી, વિમાન ક્રેશ થયું અને પહેલા મેઘાણી નગરમાં બીજે મેડિકલ કોલેજના મેસ બિલ્ડિંગ સાથે અથડાયું, ત્યારબાદ તે અતુલ્યમ હોસ્ટેલ સાથે અથડાયું. આ કારણે, વિમાન આગના ગોળામાં ફેરવાઈ ગયું. ચારે બાજુ ધુમાડો અને કાટમાળ ફેલાયેલો હતો. ઘણી ચીસો અને બૂમો પડી રહી હતી.
અમદાવાદ વિમાન દુર્ઘટનામાં 265 લોકોના મોત થયા છે. અમદાવાદ પોલીસે જણાવ્યું હતું કે વિમાન દુર્ઘટના બાદ 265 મૃતદેહો સિવિલ હોસ્પિટલમાં લાવવામાં આવ્યા છે. મૃતકોમાં હોસ્ટેલમાં રહેતા લોકો પણ શામેલ છે.
વિમાન દુર્ઘટનામાં એક મુસાફર બચી ગયો, હાલ સારવાર હેઠળ
વિમાન દુર્ઘટનામાં બચી ગયેલા મુસાફરના સમાચાર બહાર આવી રહ્યા છે. મુસાફરનું નામ રમેશ વિશ્વાસ કુમાર છે. ઘાયલોની હોસ્પિટલમાં સારવાર ચાલી રહી છે. રમેશ વિશ્વાસે આજતકને જણાવ્યું હતું કે અકસ્માત પછી જોરદાર વિસ્ફોટ થયો હતો, ચારે બાજુ આગ લાગી હતી. મને એમ્બ્યુલન્સ દ્વારા હોસ્પિટલમાં લાવવામાં આવ્યો હતો. મને વિશ્વાસ નથી થઈ રહ્યો કે હું જીવિત છું, આ કોઈ ચમત્કારથી ઓછું નથી.
