કોંગ્રેસ નેતા રાહુલ ગાંધીએ અમેરિકાની બ્રાઉન યુનિવર્સિટીમાં નિવેદન, રાહુલે એક શીખ યુવક દ્વારા પૂછવામાં આવેલા પ્રશ્નનો આ જવાબ આપ્યો
કોંગ્રેસ નેતા રાહુલ ગાંધીએ અમેરિકામાં એક કાર્યક્રમ દરમિયાન કહ્યું હતું કે તેમનું માનવું છે કે 1984નું ઓપરેશન બ્લુ સ્ટાર (Operation Blue Star) પાર્ટીની ભૂલ હતી. તેમણે કહ્યું કે તેઓ 80ના દાયકામાં કોંગ્રેસ દ્વારા કરવામાં આવેલી ભૂલોની જવાબદારી લેવા તૈયાર છે. રાહુલે એક શીખ યુવક દ્વારા પૂછવામાં આવેલા પ્રશ્નનો આ જવાબ આપ્યો હતો. રાહુલના આ નિવેદન પર ભાજપે વળતો પ્રહાર કર્યો હતો.
રાહુલ ગાંધીએ અમેરિકામાં શું કહ્યું?
લગભગ બે અઠવાડિયા પહેલા (21 એપ્રિલ), રાહુલ ગાંધી અમેરિકાની બ્રાઉન યુનિવર્સિટીમાં ગયા હતા. અહીં, એક શીખ યુવકના પ્રશ્નનો જવાબ આપતાં, તેમણે સ્વીકાર્યું કે 1984ના શીખ વિરોધી રમખાણોમાં કોંગ્રેસની ભૂમિકા હતી.
રાહુલે કહ્યું- હું 80ના દાયકામાં કોંગ્રેસ દ્વારા કરવામાં આવેલી ભૂલો સ્વીકારવા તૈયાર છું. જોકે, આ ઘટના બની ત્યારે હું રાજકારણમાં નહોતો. હું ઘણી વાર સુવર્ણ મંદિર ગયો છું. શીખ સમુદાય સાથે મારો પ્રેમ અને આદરનો સંબંધ છે.
શીખ યુવકે શું પૂછ્યું?
બ્રાઉન યુનિવર્સિટીમાં રાહુલને કહ્યું કે આજ સુધી તમે શીખો સાથે સમાધાન કરવાનો પ્રયાસ કર્યો નથી. સજ્જન કુમાર અને કેપીએસ ગિલ જેવા નેતાઓને રાજકીય સુરક્ષા આપવામાં આવી હતી. તો પછી તમે કેવી રીતે અપેક્ષા રાખી શકો છો કે અમે ભાજપથી ડરીશું?
રાહુલના નિવેદન પર ભાજપનો પ્રહાર
રાહુલના આ નિવેદનથી ભાજપને કોંગ્રેસ પર હુમલો કરવાની તક મળી. ભાજપ આઈટી સેલના વડા અમિત માલવિયાએ કહ્યું કે રાહુલની હવે માત્ર ભારતમાં જ નહીં પરંતુ સમગ્ર વિશ્વમાં મજાક ઉડાવવામાં આવી રહી છે.
ભાજપના રાષ્ટ્રીય પ્રવક્તા આરપી સિંહે કહ્યું કે રાહુલ ગાંધી વિદેશમાં જઈને નફરત ફેલાવે છે. જો તેમનામાં હિંમત હોય તો તેમણે ભારતમાં આવું નિવેદન આપવું જોઈએ, હું તેમની સામે કેસ દાખલ કરીશ.