ડોનાલ્ડ ટ્રમ્પના ભારત પર 50 ટકા ટેરિફ લગાવ્યા બાદ પીએમ મોદીનું નિવેદન, વ્યક્તિગત રીતે મારે આ માટે ખૂબ મોટી કિંમત ચૂકવવી પડશે પણ હું તેના માટે તૈયાર છું
ડેરી ખેડૂતોના હિત સાથે ક્યારેય સમાધાન કરશે નહીં-PM Modi
અમેરિકા સાથે ટેરિફ વોર વચ્ચે, પ્રધાનમંત્રી નરેન્દ્ર મોદીએ દેશના ખેડૂતોના પક્ષમાં એક મોટું નિવેદન આપ્યું છે. પીએમ મોદીએ કહ્યું છે કે ખેડૂતોના હિતનું રક્ષણ કરવું અમારી ટોચની પ્રાથમિકતા છે. ભારત ખેડૂતો, માછીમારો અને ડેરી ખેડૂતોના હિત સાથે ક્યારેય સમાધાન કરશે નહીં. હું જાણું છું કે આપણે આ માટે ભારે કિંમત ચૂકવવી પડશે અને હું તેના માટે તૈયાર છું. ભારત આ માટે તૈયાર છે…”
પીએમ મોદીએ કહ્યું કે દેશમાં સોયાબીન, સરસવ અને મગફળીનું ઉત્પાદન રેકોર્ડ સ્તરે વધ્યું છે. તેમણે ભારપૂર્વક જણાવ્યું કે, “અમારા માટે, ખેડૂતોનું હિત ટોચની પ્રાથમિકતા છે. ભારત ક્યારેય તેના ખેડૂતો, પશુપાલકો અને માછીમાર ભાઈ-બહેનોના હિત સાથે સમાધાન કરશે નહીં અને હું જાણું છું કે વ્યક્તિગત રીતે મારે આ માટે ખૂબ મોટી કિંમત ચૂકવવી પડશે પણ હું તેના માટે તૈયાર છું. આજે ભારત મારા દેશના ખેડૂતો માટે, મારા દેશના માછીમારો માટે, મારા દેશના પશુપાલકો માટે તૈયાર છે.