Top News :વડાપ્રધાન નરેન્દ્ર મોદીએ 13 મેના રોજ યોજાનારી ચૂંટણીના ત્રીજા તબક્કાના પ્રચાર માટે શુક્રવારે મહારાષ્ટ્રના નંદુરબારમાં જાહેર સભાને સંબોધિત કરી હતી
Top News :વડાપ્રધાન નરેન્દ્ર મોદીએ 13 મેના રોજ યોજાનારી ચૂંટણીના ત્રીજા તબક્કાના પ્રચાર માટે શુક્રવારે મહારાષ્ટ્રના નંદુરબારમાં જાહેર સભાને સંબોધિત કરી હતી. આ રેલી દરમિયાન પીએમ મોદીએ કોંગ્રેસ સહિત તમામ વિપક્ષી પાર્ટીઓ પર જોરદાર નિશાન સાધ્યું હતું.
વડાપ્રધાને કહ્યું કે, “મહારાષ્ટ્રના એક દિગ્ગજ નેતા છે જે 40-50 વર્ષથી રાજનીતિ કરી રહ્યા છે, બારામતી ચૂંટણી બાદ તેમણે નિવેદન આપ્યું છે. તેઓ એટલા હતાશ અને નિરાશ થઈ ગયા છે કે તેમને લાગે છે કે જો 4 જૂને જો આપણે રાજકીય જીવનમાં ટકી રહેવું હોય તો નાના રાજકીય પક્ષોએ કોંગ્રેસમાં ભળી જવું જોઈએ, આનો અર્થ એ છે કે નકલી એનસીપી અને નકલી શિવસેનાએ કોંગ્રેસમાં ભળવાનું નક્કી કર્યું છે.
પીએમ મોદીએ પોતાના પ્રારંભિક સંબોધનમાં કોંગ્રેસ પર નિશાન સાધતા કહ્યું, “મારા માટે વંચિત અને આદિવાસીઓની સેવા એ પરિવારના સભ્યની સેવા સમાન છે. હું કોંગ્રેસના રાજવી પરિવાર જેવા મોટા પરિવારમાંથી નથી. હું ગરીબીમાં મોટો થયો છું. હું જાણું છું કે તમે અહીં કેટલી તકલીફો સહન કરી છે.
તેમણે કહ્યું કે તમારા જીવનમાં પણ ઘણી મુશ્કેલીઓ હતી. ઘણા આદિવાસી પરિવારો પાસે કાયમી મકાનો નહોતા. આઝાદીના 60 વર્ષ પછી પણ ગામડાઓમાં વીજળી પહોંચી નથી. પીએમએ કહ્યું કે મોદીએ સંકલ્પ લીધો હતો – દરેક ગરીબ, દરેક આદિવાસી માટે ઘર, દરેક આદિવાસીના ઘરમાં પાણી, દરેક પરિવાર માટે પાણીની સુવિધા, દરેક ગામમાં વીજળી. અમે પીએમ આવાસ યોજના હેઠળ નંદુરબારના લગભગ 1.25 લાખ ગરીબ લોકોને કાયમી મકાનો આપ્યા છે. છેલ્લા 10 વર્ષમાં અમે 4 કરોડ પાકાં મકાનો આપ્યા છે અને ત્રીજી ટર્મમાં 3 કરોડ વધુ મકાનો આપીશું.