નવા ANZ દરો 18 જુલાઈથી લાગુ થશે. ઘર ખરીદવાનું સપનું જોતા લોકો માટે રાહતના સમાચાર, ફૂગાવાનો દર એકતરફ જ્યાં સ્થિર જોવા મળ્યો છે ત્યાં હવે બેન્કિંગ ક્ષેત્રમાંથી મળી રહ્યા છે પોઝિટિવ સંકેત
ગત સપ્તાહે વેસ્ટ પેક બેંકે હોમ લોન દરમાં ઘટાડાની જાહેરાત કરી હતી અને હવે વધુ એક બેંકે હોમ લોન દરમાં ઘટાડાની જાહેરાત કરી છે. ANZ બેંક તેની કેટલીક હોમ લોન અને ટર્મ ડિપોઝિટ રેટમાં ઘટાડો કરી રહી છે. નવા દરો 18 જુલાઇથી લાગુ થશે. ગયા અઠવાડિયે વેસ્ટપેક બેંકે દરો ઘટાડ્યા પછી અને સ્ટેટિસ્ટિક્સ NZ દ્વારા તાજેતરના કન્ઝ્યુમર પ્રાઇઝ ઇન્ડેક્સના ડેટા જાહેર કર્યાના કલાકોમાં જ ફુગાવાના દર જાહેર થયા હતા. હાલ જ્યાં ફુગાવાના દર 3.3% જાહેર થયા બા દર્શાવ્યા પછી ANZએ આ એલાન કર્યું છે.
નોંધનીય છે કે રિઝર્વ બેંક ઓફ ન્યૂઝીલેન્ડના લક્ષ્યાંક હતો કે ફુગાવાનો દર 1%થી 3% રહી શકે છે અને હવે તેની નજીક ફુગાવોનો દર રહેતા બેંક દ્વારા તુરંત આ જાહેરાત કરાઇ છે. હોમ લોનમાં ANZ ના ઘટાડામાં 2-વર્ષના સ્પેશિયલ રેટ પર 30-બેસિસ પોઈન્ટ ઘટીને 6.49% p.a અને 1-વર્ષના સ્પેશિયલ રેટ પર 29-બેસિસ પોઈન્ટ ઘટીને 6.85% p.a.નો સમાવેશ થાય છે.
ANZ NZ પર્સનલ બેંકિંગના મેનેજિંગ ડિરેક્ટર ગ્રાન્ટ નુકીએ ચેતવણી આપી હતી કે ફુગાવો હજુ ગયો નથી. “ન્યૂઝીલેન્ડની અર્થવ્યવસ્થા હજી પણ સ્થિર છે અને ભૌગોલિક રાજકીય તણાવને કારણે વૈશ્વિક બજારો અસ્થિર જોવા મળી રહી છે”. “પરંતુ, ગયા અઠવાડિયે OCRની જાહેરાતને પગલે, હોલસેલ પ્રાઇસ ઇન્ડેક્સમાં ઘટાડો પણ નોંધાયો છે. જેથી અમે અમારા ગ્રાહકોને બચત આપી શકીએ છીએ.
તેણે વધુમાં જણાવ્યું હતું કે “ઉધાર લેનારાઓ માટે, અમે દરેક ડૉલરની ગણતરી જાણીએ છીએ; તેથી આશા છે કે નીચા વ્યાજ દરો ગ્રાહકોને થોડી રાહત અને ટેકો આપશે. “તાજેતરના વર્ષોમાં ઘણા લોકોએ સામાન્ય રીતે ટૂંકી શરતો પર તેમની હોમ લોન ફિક્સ કરી છે. તેનો અર્થ એ કે ઘણા લોકો ટૂંક સમયમાં આ નીચા દરોનો લાભ લેવાની સ્થિતિમાં હશે.” નવા ANZ દરો 18 જુલાઈથી લાગુ થશે.
New ANZ Bank home loan fixed rates
- 6 months: 7.65% p.a
- 1 year: 7.45% p.a
- 18 months: 7.29% p.a
- 2 years: 7.09% p.a
- 3 years: 6.95% p.a
- 4 years: 7.14% p.a
- 5 years: 7.34% p.a
- ANZ ‘special’ rates
- 6 months: 7.05%
- 1 year: 6.85%
- 18 months: 6.69%
- 2 years: 6.49%
- 3 years: 6.35%