તમામ ફળની માખીઓમાં સૌથી વધુ “વિનાશક અને વ્યાપક” ગણાતી નર ઓરિએન્ટલ ફ્રૂટ પાપાટોયટોયમાં મળી આવી, અધિકારીઓ મેંગરી અને પાપાટોયટોય વિસ્તારમાં દૈનિક ધોરણે તપાસ કરશે
બાયોસિક્યોરિટી ન્યુઝીલેન્ડ લોકોને વિનંતી કરે છે કે જો તેઓને લાગે કે તેઓને કોઈ ઓરિએન્ટલ ફળની માખીઓ મળી છે તો તેઓએ વિભાગનો સંપર્ક કરવો જોઇએ. ગઈકાલે પાપાટોયટોયમાં સર્વેલન્સ ટ્રેપમાં એક નર ઓરિએન્ટલ ફ્રૂટ ફ્લાય મળી આવ્યા બાદ વિભાગ ટ્રેપિંગ અને પરીક્ષણને હવે દૈનિક ધોરણે આગળ ધપાવી રહ્યું છે.
આ જંતુને તમામ ફળની માખીઓમાં સૌથી વધુ “વિનાશક અને વ્યાપક” ગણવામાં આવે છે અને જો તે ન્યૂઝીલેન્ડમાં જોવા મળે તો દેશની પેદાશની નિકાસને જોખમમાં મૂકી શકે છે. બાયોસિક્યોરિટી ન્યુઝીલેન્ડના કમિશનર માઈક ઈંગ્લિસે જણાવ્યું હતું કે અત્યાર સુધીમાં પાપાટોયટોય/મેંગેરે વિસ્તારમાં અન્ય 187 ટ્રેપમાંથી આવી બીજી કોઈ ફ્લાય મળી નથી.
બાયોસિક્યોરિટી સ્ટાફ સભ્યો એક ઝોનમાં દૈનિક તપાસ કરશે અને બીજા ઝોનમાં પણ દૈનિક પરીક્ષણ કરાશે, એમ તેમણે જણાવ્યું હતું. “જો તમને કોઈ ચિંતા હોય અથવા તમને ફ્રુટ ફ્લાય જોવા મળે, તો મીડિયામાં ચિત્રો સાથેના સંદેશાઓ બહાર આવશે … જો તમે તેને પકડી શકો તો તે સારું છે અને પછી ફક્ત લાઇનનો સંપર્ક કરો અથવા મારા સ્ટાફ સાથે વાત કરો. આગામી ઓછામાં ઓછા 48 થી 72 કલાક સુધી વિસ્તારમાં બાયોસિક્યુરિટી ન્યૂઝીલેન્ડના સ્ટાફને તૈનાત કરાયો છે.”
તેમણે પાપાટોયટોયમાં લોકોને તેમની મિલકતમાંથી કોઈ પણ સંપૂર્ણ તાજા ફળ અને શાકભાજી ન લેવાનું પણ આહ્વાન કર્યું હતું.”અમે ફક્ત ખાતરી કરવા માંગીએ છીએ કે અમે આ યોગ્ય રીતે કરીએ છીએ… અમે ફક્ત સમુદાયને વિનંતી કરી રહ્યા છીએ કે આ તબક્કે પાપાટોયટોય વિસ્તારની બહાર કોઈપણ તાજા ફળ અથવા શાકભાજી ન લઈ જાય,” ઇંગલિસે કહ્યું હતું.