વંશીય ટિપ્પણીઓ એ હદે વધી ગઇ કે ન્યૂઝીલેન્ડના ટોપ મીડિયા આઉટલેટ્સને સોશિયલ મીડિયા પર કોમેન્ટ સેક્શન બંધ કરવું પડ્યું
ક્ષમતા જ માપદંડ, આધુનિક યુગમાં વૈશ્વિક નેતૃત્વ અને સમાવેશી અભિગમનું મહત્વ
આપણું ગુજરાત ન્યૂઝ. ઓકલેન્ડ
ભારતીય મૂળના નીખિલ રવિશંકરની એર ન્યૂઝીલેન્ડના CEO પદે નિમણૂંકનું આજે સવારે એલાન કરવામાં આવ્યું. ચારે બાજુથી તેમને અભિનંદન આપવામાં આવી રહ્યા હતા. જોકે ક્ષમતાના આધારે કરાયેલી આ નિમણૂંકમાં પણ વિવાદ આવી ગયો છે. નિમણૂંકના એલાન બાદ ન્યૂઝીલેન્ડના ટોચના મીડિયા આઉટલેટ્સના સોશિયલ મીડિયા પેજ પર લોકો વંશીય ટિપ્પણી કરી રહ્યા છે. નોંધનીય છે કે એર ઇન્ડિયાના CEO કેમ્પબેલ વિલ્સન ન્યુઝીલેન્ડના મૂળના છે, જ્યારે હવે એર ન્યુઝીલેન્ડનું નેતૃત્વ ભારતીય મૂળના નિખિલ રવિશંકર કરી રહ્યા છે.
નીખિલ રવિશંકર છેલ્લા છ વર્ષથી હતા Air NZના ચીફ ડીજીટલ ઓફિસર
નીખિલ રવિશંકર છેલ્લા છ વર્ષથી એર ન્યૂઝીલેન્ડના ચીફ ડીજીટલ ઓફિસર પદે રહ્યા છે. જોકે સામાન્ય લોકો અથવા જેઓ ટિપ્પણી કરી રહ્યા છે તેઓ તેમની આ સિદ્ધિથી પણ અજાણ હતા. જોકે સોશિયલ મીડિયા પરની કોમેન્ટ્સ માત્ર સમાજને તોડવાનું કામ કરી રહી છે. નીખિલ રવિશંકરની નિમણૂંક દર્શાવે છે કે વૈશ્વિક નેતૃત્વ કેવી રીતે દેશની સરહદો અને વ્યક્તિગત પૃષ્ઠભૂમિને પાર કરી જાય છે. તે એક સ્પષ્ટ રીમાઇન્ડર છે કે નેતૃત્વ માટે યોગ્યતા અને ક્ષમતા જ સર્વોચ્ચ માપદંડ હોવા જોઈએ, વંશીયતા નહીં. આ નિમણૂકો અંગે સોશિયલ મીડિયા પર થઈ રહેલી વંશીય ટિપ્પણીઓ અસ્વીકાર્ય છે, કારણ કે સમાજમાં જાતિવાદ અથવા પક્ષપાત માટે કોઈ સ્થાન નથી. સક્ષમતા જ પ્રગતિનો માર્ગ છે. વંશીય ટિપ્પણીઓ એ હદે વધી ગઇ કે ન્યૂઝીલેન્ડના ટોચના મીડિયા આઉટલેટ્સને પણ પોતાનું કોમેન્ટ સેક્શન બંધ કરવાની ફરજ પડી હતી.
એર ન્યુઝીલેન્ડે તેના નવા ચીફ એક્ઝિક્યુટિવ (CEO) તરીકે આંતરિક સ્તરેથી જ નિમણૂક કરી છે. એરલાઈને તેના વર્તમાન ચીફ ડિજિટલ ઓફિસર, નિખિલ રવિશંકરને બઢતી આપી છે. તેઓ ઓક્ટોબરમાં લગભગ છ વર્ષ પછી ટોચના પદ પરથી રાજીનામું આપનાર ગ્રેગ ફોરનનું સ્થાન લેશે. નિખિલ રવિશંકર લગભગ પાંચ વર્ષથી એર ન્યુઝીલેન્ડ સાથે જોડાયેલા છે અને તેમણે એરલાઈનની ટેકનોલોજી, લોયલ્ટી અને ગ્રાહક સેવાઓને મજબૂત બનાવવામાં મહત્વપૂર્ણ ભૂમિકા ભજવી છે. એર ન્યુઝીલેન્ડમાં જોડાતા પહેલા, નિખિલ વેક્ટરના ચીફ ડિજિટલ ઓફિસર અને એક્સેન્ચરના મેનેજિંગ ડિરેક્ટર રહી ચૂક્યા છે.
નીખિલનું ભણતર અને ઘડતર ન્યૂઝીલેન્ડમાં થયું તો તેમ છતાં તેઓ કિવિ કેમ નહીં ?
સીઇઓ અપોઇન્ટ યુએસએ. કે અલગ દેશથી સીઇઓ લઇ આવ્યા તો આટલો વિવાદ કે કોઇ વંશીય ટીપ્પણીઓ થતી નથી, પરંતુ નીખિલ રવિશંકરની નિમણૂંકથી ન્યૂઝીલેન્ડ જેવા દરેક એથનિસિટીને માન આપતા દેશમાં આવી કોમેન્ટ્સ કેમ કરવામાં આવી રહી છે. આ લોકોને એ પણ નહીં ખબર હોય કે નીખિલ રવિશંકર ઓકલેન્ડમાં જ સ્કૂલ અને કોલેજ પૂર્ણ કરીને આ સ્તરે પહોંચ્યા છે. તો તેમની સામે તેમનો રંગ જોઇને કેમ ટિપ્પણી કરવામાં આવી રહી છે. એવા અનેક કિસ્સાઓ છે જેમાં ન્યૂઝીલેન્ડની ટોચની કંપનીઓએ અન્ય દેશના નાગરિકો કે મૂળના લોકોને કંપનીના ટોચનું સ્થાન આપ્યું છે.
ન્યૂઝીલેન્ડની ટોચની કંપનીના વર્તમાન અને પૂર્વ CEO જેઓ ન્યૂઝીલેન્ડના નહતા
- Xero CEO, Sukhinder Singh Cassidy (Indian origin)
- Stuff Ltd CEO, Sinead Boucher (Northern Irish origin)
- Former CEO of Fonterra, Late Theo Spierings (Netherlands)
- Former CEO of Contact Energy, Dennis Barnes (Australia)
- Former CEO of Fonterra, Andrew Ferrier (Canada)
- Former CEO of Telecom (now Spark), Paul Reynolds (Scotland)
- Former CEO of Sky City, Nigel Morrison (Australia)
- Former CEO of Sky Network, John Fellet (USA)
આધુનિક યુગમાં વૈશ્વિક નેતૃત્વ અને સમાવેશી અભિગમનું મહત્વ
આજના ઝડપથી બદલાતા અને એકબીજા સાથે જોડાયેલા વિશ્વમાં, નેતૃત્વની ભૂમિકા માટે યોગ્ય વ્યક્તિની પસંદગી એ કોઈપણ સંસ્થા કે સમાજની સફળતા માટે પાયાનો પથ્થર છે. આ પસંદગી પ્રક્રિયામાં સૌથી મહત્વનો માપદંડ વ્યક્તિની યોગ્યતા અને ક્ષમતા હોવો જોઈએ, તેની વંશીયતા કે પૃષ્ઠભૂમિ નહીં. સક્ષમ નેતાઓ જ પડકારોનો સામનો કરી શકે છે, નવીનતા લાવી શકે છે અને સર્વસમાવેશક વિકાસને પ્રોત્સાહન આપી શકે છે.
વૈશ્વિકીકરણના આ યુગમાં, વિવિધ સંસ્કૃતિઓ અને રાષ્ટ્રીયતાના લોકો એકબીજા સાથે સહયોગ કરી રહ્યા છે. નેતૃત્વના પદો પર વ્યક્તિની પસંદગી કરતી વખતે, જો આપણે વંશીયતાને બદલે તેની કુશળતા, અનુભવ, દ્રષ્ટિ અને પરિણામો લાવવાની ક્ષમતાને પ્રાથમિકતા આપીએ, તો તે ખરેખર પ્રગતિશીલ સમાજનું નિર્માણ કરશે. એક સક્ષમ નેતા, ભલે તે કોઈપણ પૃષ્ઠભૂમિનો હોય, તે સકારાત્મક પરિવર્તન લાવી શકે છે અને સંસ્થાને નવી ઊંચાઈઓ પર લઈ જઈ શકે છે.
વંશીયતાના આધારે કોઈને નેતૃત્વ માટે અયોગ્ય ગણવું એ ભેદભાવપૂર્ણ અને પૂર્વગ્રહયુક્ત વિચારસરણી છે, જેને આધુનિક સમાજમાં કોઈ સ્થાન ન હોવું જોઈએ. દરેક વ્યક્તિને તેની ક્ષમતાઓ સાબિત કરવાની સમાન તક મળવી જોઈએ. જ્યારે નેતૃત્વની પસંદગી ગુણવત્તા આધારિત હોય છે, ત્યારે તે વધુ વૈવિધ્યસભર અને પ્રતિભાશાળી ટીમોનું નિર્માણ કરે છે, જે વિવિધ દ્રષ્ટિકોણ અને ઉકેલો પ્રદાન કરી શકે છે.
આમ, નેતૃત્વ એ વ્યક્તિની ક્ષમતાઓ, દ્રષ્ટિ અને પ્રેરણા આપવાની શક્તિ વિશે છે, તેના મૂળ વિશે નહીં. સક્ષમ બિઝનેસ લીડરને પ્રોત્સાહન આપીને, આપણે એવા સમાજનું નિર્માણ કરી શકીએ છીએ જ્યાં યોગ્યતાને જ પ્રાથમિકતા મળે અને દરેક વ્યક્તિને તેની સંપૂર્ણ ક્ષમતા સુધી પહોંચવાની તક મળે. આ અભિગમ જ સાચી પ્રગતિ અને સૌહાર્દપૂર્ણ સહઅસ્તિત્વનો આધાર છે.