1 ડિસેમ્બર 2025 થી, ન્યૂઝીલેન્ડ ઇમિગ્રેશન માત્ર ભારત સરકારના વિદેશ મંત્રાલય દ્વારા ઇશ્યુ કરાયેલ પોલીસ ક્લિયરન્સ સર્ટિફિકેટ સ્વીકારશે
‘આપણું ગુજરાત ન્યૂઝ’. ઓકલેન્ડ
1 ડિસેમ્બર 2025 થી, ઇમિગ્રેશન ન્યુઝીલેન્ડ, ભારતમાં રહેતા ભારતીય નાગરિક વિઝા અરજદારો માટે, ફક્ત ભારતીય વિદેશ મંત્રાલયના પ્રાદેશિક પાસપોર્ટ કાર્યાલય દ્વારા જારી કરાયેલ પોલીસ ક્લિયરન્સ સર્ટિફિકેટ સ્વીકારશે.
ઇમિગ્રેશન ન્યૂઝીલેન્ડ દ્વારા જારી કરાયેલા નોટિફિકેશનમાં કહેવમાં આવ્યું છે કે અમને મળતા પોલીસ ક્લિયરન્સ સર્ટિફિકેટ્સમાં સુસંગતતા જળવાઈ રહે તે સુનિશ્ચિત કરવા માટે, ફક્ત ભારતીય વિદેશ મંત્રાલયના પ્રાદેશિક પાસપોર્ટ કાર્યાલય દ્વારા જારી કરાયેલા સર્ટિફિકેટ્સને જ ઇમિગ્રેશન જરૂરિયાતોને પૂર્ણ કરતા ગણવામાં આવશે.
અગાઉ, ભારતીય વિઝા અરજદારોને ડેપ્યુટી કમિશનર અથવા પોલીસ અધિક્ષકની કચેરી અથવા તેમના સ્થાનિક પોલીસ સ્ટેશનમાંથી પોલીસ ક્લિયરન્સ સર્ટિફિકેટ પ્રદાન કરવાની મંજૂરી હતી. આ સર્ટિફિકેટ્સ અસંગત ફોર્મેટમાં છે અને તેની ખરાઈ કરવી વધુ મુશ્કેલ છે, તેથી 1 ડિસેમ્બર 2025 થી તે હવે સ્વીકારવામાં આવશે નહીં.
ભારતની બહાર રહેતા ભારતીય નાગરિકો માટે અને જેઓ હાલમાં ભારતમાં રહે છે અથવા અગાઉ રહી ચૂક્યા છે તેવા બિન-ભારતીય નાગરિકો માટેની જરૂરિયાતોમાં કોઈ ફેરફાર થયો નથી.
જો તમે ભારતના નાગરિક છો અને 1 ડિસેમ્બર 2025 થી પોલીસ ક્લિયરન્સ સર્ટિફિકેટ માટે અરજી કરી રહ્યા છો, તો નવી જરૂરિયાતને પૂરી કરી રહ્યા છો કે કેમ તે ચકાસવાનું યાદ રાખો. વિઝા અરજી માટે દસ્તાવેજો એકત્રિત કરવામાં સમય લાગે છે, તેથી તમારા પોલીસ ક્લિયરન્સ સર્ટિફિકેટ માટે વિનંતી કરવા માટે પૂરતો સમય રાખો.
વધુ માટે નીચેની લિંક પર માહિતી મેળવી શકો છો.
https://www.immigration.govt.nz/about-us/news-centre/changes-to-police-clearance-certificates-for-indian-visa-applicants/