હિંસામુક્ત સમાજના હંમેશા હિમાયતી એવા શ્રી શ્રી રવિશંકરને માનવતાવાદી અને સંઘર્ષ નિવારણ પહેલ માટે એકવીસ યુનિવર્સિટીઓએ માનદ ડોક્ટરેટથી નવાજ્યા છે
વિશ્વભરના લાખો લોકોના જીવન પર સકારાત્મક અસર કરવા માટે જવાબદાર ગુરુદેવ શ્રી શ્રી રવિશંકર (ગુરુદેવ) ઓકલેન્ડ ખાતે 24 ઓક્ટોબરના રોજ ઇવેન્ટ માટે ન્યૂઝીલેન્ડની મુલાકાત લેવાના છે. શ્રી શ્રી રવિશંકર મહારાજને તેમની આંતરદૃષ્ટિ, જ્ઞાન અને વૈશ્વિક સમુદાયની સેવા કરવાની તેમની જીવનભરની સફરમાંથી અનુભવો શેર કરવાની સુંદર તક શ્રોતાઓને ઓક્ટોબર મહિનામાં મળી શકે છે.
શ્રી શ્રી રવિશંકર મહારાજને 21 યુનિવર્સિટીએ માનદ્ ડોક્ટરેટની ડિગ્રીથી નવાજ્યા
ગુરુદેવે સંયુક્ત રાષ્ટ્રસંઘ, યુરોપિયન સંસદ, વર્લ્ડ ઇકોનોમિક ફોરમ, અને અમેરિકન યુનિવર્સિટીઓ – હાર્વર્ડ, સ્ટેનફોર્ડ, યેલ, જ્યોર્જટાઉન અને યુનિવર્સિટી ઓફ સધર્ન કેલિફોર્નિયામાં વ્યાપકપણે વાત કરી છે. તેમણે કોલંબિયા, મોંગોલિયા, પેરાગ્વે અને ભારતમાં સર્વોચ્ચ નાગરિક સન્માન સહિત આડત્રીસ સરકારી પુરસ્કારો પ્રાપ્ત કર્યા છે. તેમની માનવતાવાદી અને સંઘર્ષ નિવારણ પહેલ માટે એકવીસ યુનિવર્સિટીઓએ તેમને માનદ ડોક્ટરેટથી નવાજ્યા છે.
જીવનના સૌથી જટિલ મુદ્દાઓને સરળ, રોજિંદા સત્યોમાં ઉતારવાની તેમની અનન્ય ક્ષમતા સાથે, ગુરુદેવના શબ્દો શાંતિ અને પ્રતિધ્વનિની ઊંડી ભાવના પેદા કરે છે જેનાથી અનેક લોકોના જીવનમાં પ્રકાશ પથરાયો છે. ગુરુદેવે 1981માં આર્ટ ઓફ લિવિંગની સ્થાપના કરી હતી અને તેમના કાર્યક્રમો હવે 180 દેશોમાં શીખવવામાં આવે છે. ગુરુદેવ શ્રી શ્રી રવિશંકર કહે છે કે જીવનને સંપૂર્ણ રીતે જીવવાની ફિલસૂફી એક સિદ્ધાંત છે અને આથી જ હવે તે સંસ્થા કરતાં વધુ એક ચળવળ વિશ્વભરમાં બની છે. “તેનું મુખ્ય મૂલ્ય પોતાની અંદર શાંતિ શોધવાનું છે અને આપણા સમાજમાં – વિવિધ સંસ્કૃતિઓ, પરંપરાઓ, ધર્મો, રાષ્ટ્રીયતાના લોકોને જોડવાનું છે; અને આ રીતે આપણને બધાને યાદ કરાવે છે કે દરેક જગ્યાએ માનવ જીવનને ઉત્થાન આપવાનું અમારું એક ધ્યેય છે”.
ક્રાઇસ્ટચર્ચ ભૂકંપ વખતે પણ આર્ટ ઓફ લિવિંગ દ્વારા મદદ કરાઇ હતી
તેમણે ક્રાઇસ્ટચર્ચ ભૂકંપ જેવા આઘાત અને તાણના સમયમાં ન્યુઝીલેન્ડમાં ઘણા લોકોને મદદ કરી છે. જેમાં કાર્યક્રમોમાં શ્વાસોચ્છવાસ અને ધ્યાનની પ્રેક્ટિસનો સમાવેશ થાય છે. નોંધનીય છે કે હાલ “તેમનો પ્રેરણા અને શાંતિનો કાલાતીત સંદેશ વિશ્વભરના અસંખ્ય લોકોના જીવનને સ્પર્શતો રહે છે. અમે ઘણા ભાગ્યશાળી છીએ કે ગુરુદેવ એવા સમયે ન્યુઝીલેન્ડ આવી રહ્યા છે જ્યારે ઘણા લોકો આધુનિક જીવનના જટિલ પડકારો, વૈશ્વિક આબોહવાની સમસ્યાઓ, મંદી, જીવન સંકટના ખર્ચ અને કોવિડ પછીની શોધખોળના જટિલ પડકારોથી ગંભીર તણાવ અને ચિંતાનો અનુભવ કરી રહ્યા છે.
એન્ડ્રુ મેલવિલે, આર્ટ ઓફ લિવિંગ, નેશનલ ટીચર કોઓર્ડિનેટરે જણાવ્યું હતું કે હાલની પરિસ્થિતિને જોતા તેમની આ મુલાકાત એક પરફેક્ટ ટાઇમિંગને સેટ કરે છે. ગુરુદેવ ગાંધી જેવા નેતાઓના પગલે ચાલે છે, શાંતિ અને એકતાના વૈશ્વિક માનવતાવાદી દ્રષ્ટિકોણને ચિત્રિત કરે છે. એઓટેરોઆ, ન્યુઝીલેન્ડની મુલાકાત લેતા વૈશ્વિક નેતાઓના આવા સંદેશાઓ ઓછા છે અને તેથી ગુરુદેવને જાતે મળવાની આ તક લોકોએ ન ગુમાવવી જોઇએ. આ અનુભવ સહભાગીઓને પ્રેરિત, ઉત્થાન અને સંભવિત રૂપે કાયમ બદલાવની અનુભૂતિ કરાવશે તેવો તેમણે વિશ્વાસ વ્યક્ત કર્યો હતો.