મુંબઇમાં એર ન્યૂઝીલેન્ડ અને એર ઇન્ડિયા વચ્ચે કોડ શેર મામલે MoU થયા, 2028 સુધીમાં બંને દેશો વચ્ચે ડાઇરેક્ટ ફ્લાઇટ શરૂ કરવા અંગે વિવિધ પાસાઓની તપાસ થશે, પરંતુ શરતોની સાથે
ટુરિઝમ વધારવા અંગે ઓકલેન્ડ એરપોર્ટ અને દિલ્હીના ઇંદિરા ગાંધી એરપોર્ટ વચ્ચે કરાર
મુંબઇમાં ગઇકાલે એર ઈન્ડિયા અને એર ન્યૂઝીલેન્ડના અધિકારીઓ વચ્ચે ભારત અને ન્યૂઝીલેન્ડ વચ્ચે સીધી ફ્લાઇટ શરૂ કરવા અંગે ચર્ચા યોજાઈ. આ બેઠકમાં બંને એરલાઈન્સે તકો અને પડકારો પર વિચારવિમર્શ કર્યો. જો કે, હાલની પરિસ્થિતિને જોતા 2028 સુધી સીધી ફ્લાઇટ શરૂ થવાની શક્યતા ઓછી હોવાનું સૂત્રોએ જણાવ્યું હતું. પરંતુ ન્યૂઝીલેન્ડ અને ભારતની એર લાઇન્સ કંપનીઓ વચ્ચે કોડ શેરિંગ ડીલ થવાને પગલે બંને દેશો વચ્ચેની ફ્લાઇટ ફ્રીકવન્સીમાં વધારો થઇ શકે છે.
હાલ, ભારત અને ન્યૂઝીલેન્ડ વચ્ચે સીધી ફ્લાઇટ્સ ઉપલબ્ધ નથી, અને મુસાફરોને સિડની, સિંગાપોર અથવા દુબઈ જેવા આંતરરાષ્ટ્રીય હબ મારફતે ટ્રાન્ઝિટ કરવું પડે છે. સિધા હવાઇ જોડાણ માટેની માંગ વધી રહી છે, ખાસ કરીને વિઝિટર્સ, વિદ્યાર્થીઓ અને બિઝનેસ ટ્રાવેલર્સ માટે.
ન્યૂઝીલેન્ડના વડાપ્રધાન ક્રિસ્ટોફર લક્નસ દ્વારા તાજેતરમાં ભારત મુલાકાત દરમિયાન આ મુદ્દે ચર્ચા કરાઈ હતી. ન્યૂઝીલેન્ડની સરકાર અને ભારત સરકાર વચ્ચે હવાઈ જોડાણને લઈને સહયોગ વધારવાની સંભાવનાઓ પણ જાણી રહી છે.
હાલ એર ન્યૂઝીલેન્ડ અને એર ઇન્ડિયા વચ્ચે કોડ શેરિંગ MoU
સ્ટાર એલાયન્સના પાર્ટનર એર ન્યૂઝીલેન્ડ અને એર ઇન્ડિયાએ બંને દેશો વચ્ચે હવાઈ જોડાણ વધારવા માટે સમજૂતી કરાર (MoU) પર સંમતિ દર્શાવી છે. તેનો અર્થ એ થશે કે મુસાફરો હવે ભારતીય શહેરો દિલ્હી, મુંબઈ, બેંગલુરુ અને ચેન્નાઈથી એર ઈન્ડિયા દ્વારા મુસાફરી કરી શકશે અને સિડની, મેલબોર્ન અથવા સિંગાપોરથી એર ન્યૂઝીલેન્ડ સંચાલિત ફ્લાઇટ્સ પર ઓકલેન્ડ, ક્રાઇસ્ટચર્ચ, વેલિંગ્ટન અને ક્વીન્સટાઉન સુધી જોડાઈ શકશે.
બંને દેશો વચ્ચે સીધી ફ્લાઇટ્સ શરૂ કરવા માટે આવશ્યક ઈન્ફ્રાસ્ટ્રક્ચર, એરલાઈન્સની લોજિસ્ટિક્સ અને આવક ખર્ચના મુદ્દાઓનો પણ આલોકમાં અંદાજ લગાવવામાં આવ્યો. એર ઈન્ડિયા અને એર ન્યૂઝીલેન્ડે આગામી સમયમાં વધુ ચર્ચાઓ યોજી આ યોજનાને આગળ ધપાવવાની સંભાવના દર્શાવી છે.
પરંતુ હાલમાં કોઈ સત્તાવાર સમયરેખા જાહેર કરવામાં આવી નથી. યાત્રીઓએ હજી 2028 સુધી રાહ જ જોવી પડશે. કારણ કે આ ડીલ નવા વિમાનની ડિલિવરી અને સંબંધિત સરકારી નિયમનકારોની મંજૂરીઓને આધીન છે.
એર ઈન્ડિયા અને એર ન્યૂઝીલેન્ડના અધિકારીઓએ જણાવ્યું કે MoU એક પ્રારંભિક પગલું છે અને આગામી મહિનાઓમાં વધુ ચર્ચાઓ યોજી આ યોજનાને આગળ ધપાવવામાં આવશે. જો જરૂરી ઇન્ફ્રાસ્ટ્રક્ચર અને બજારની સ્થિતિ અનુકૂળ રહી તો 2028 પછી સીધી ફ્લાઇટ માટે શક્યતાઓ વધુ સ્પષ્ટ થશે.
બંને દેશો વચ્ચે ભારતીય મુસાફરો વધુ
ટુરિઝમ ન્યુઝીલેન્ડ વિશાળ ભારતીય બજારમાં પ્રવેશવાની આશા રાખે છે, અને તેના સંશોધન દર્શાવે છે કે નવી દિલ્હી, બેંગ્લોર અને મુંબઈમાં 18 મિલિયન લોકો સક્રિયપણે ન્યુઝીલેન્ડની મુસાફરી કરવાનું વિચારી રહ્યા છે. ગયા વર્ષે ભારતમાંથી 80,000 થી વધુ આંતરરાષ્ટ્રીય પ્રવાસીઓ આવ્યા હતા, જે 2019 કરતા 23% વધુ છે.
ઓકલેન્ડ-દિલ્હી એરપોર્ટ વચ્ચે કરાર થયા
તાજેતરમાં જ ન્યૂઝીલેન્ડ સરકારે પ્રવાસનને વધારવા માટે કેમ્પેઇન શરૂ કર્યા છે. જે અંતર્ગત મેગ્નિફિસેન્ટ સાઉથ પ્રમોશનમાં વિવિધ પ્રવાસી પેકેજો પ્રદર્શિત કરવામાં આવશે, જે વૈભવી, સાહસ અને સાંસ્કૃતિક અનુભવો પ્રદાન કરશે. ઓકલેન્ડ એરપોર્ટે ભારતના સૌથી વ્યસ્ત એરપોર્ટ, દિલ્હી ઇન્દિરા ગાંધી આંતરરાષ્ટ્રીય એરપોર્ટ સાથે એક MoU પર હસ્તાક્ષર કર્યા હતા, જેથી આગામી દિવસોમાં બે ઉડ્ડયન કેન્દ્રો વચ્ચે સહયોગ વધશે